நா முத்துக்குமார், "இறகைப் போலே அலைகிறேனே" பாடலில்

கூட வந்து நீ நிற்பதும்
கூடு விட்டு நான் செல்வதும்
தொடருதே தொடருதே நாடகம்
பாதி மட்டுமே சொல்வதும்,
மீதி நெஞ்சிலே என்பதும்,
புரியுதே புரியுதே காரணம்.
நேரங்கள் தீருதே, வேகங்கள் கூடுதே,
பூவே உன் கண்ணுக்குள்ளே பூமிப்பந்து சுத்துதே!!!

- நா முத்துக்குமார், "இறகைப் போலே அலைகிறேனே" பாடலில்

நா முத்துக்குமார், "பறவையே எங்கு இருக்கிறாய்" பாடலில்

உன்னோடு நானும் போகின்ற பாதை,
இது நீளாதோ தொடு வானம் போலவே?
கதை பேசிக் கொண்டே, வா காற்றோடு போவோம்.
உரையாடல் தீர்ந்தாலும், உன் மெளனங்கள் போதும்.
இந்தப் புல் பூண்டும் பறவையின் நாமும் போதாதா?
இனி பூலோகம் முழுதும் அழகாய்ப் போகாதா?
- நா முத்துக்குமார், "பறவையே எங்கு இருக்கிறாய்" பாடலில்

நா முத்துக்குமார், "பூக்கள் பூக்கும் தருணம்" பாடலில்

வேரின்றி விதையின்றி விண் தூவும் மழையின்றி
இது என்ன இவன் தோட்டம் பூப்பூக்குதே?
வாளின்றி போரின்றி வலிக்கின்ற யுத்தம் இன்றி
இது என்ன இவனுக்குள் எனை வெல்லுதே?

- நா முத்துக்குமார், "பூக்கள் பூக்கும் தருணம்" பாடலில்

நா முத்துக்குமார், "சிறகுகள் வந்தது எங்கோ செல்ல" பாடலில்

அழகே நீ எங்கிருக்கிறாய்?
வலித்தால் அன்பே அங்கிருக்கிறாய்.
உயிரே நீ என்ன செய்கிறாய்?
உயிரின் உள்ளே வந்து செல்கிறாய்

- நா முத்துக்குமார், "சிறகுகள் வந்தது எங்கோ செல்ல" பாடலில்

நா.முத்துக்குமார், "எனக்கு பிடித்த பாடல்" பாட்டில்...

வெள்ளிக் கம்பிகளைப் போல
ஒரு தூறல் போடுதோ -
விண்ணும் மண்ணும் வந்து சேர
அது பாலம் போடுதோ;

நீர்த்துளி தீண்டினால்
நீ தொடும் ஞாபகம்;
நீ தொட்ட இடமெல்லாம்
வீணையின் தேன் ஸ்வரம்;

ஆயிரம் அருவியாய்
அன்பிலே அணைக்கிறாய்;
மேகம் போல எனக்குள்ளே
மோகம் வளர்த்து கலைக்கிறாய்.

- நா.முத்துக்குமார், "எனக்கு பிடித்த பாடல்" பாட்டில்...

நா.முத்துக்குமார் துளிப்பாக்கள்

உள்ளாடைக் கடைகளில்
அளவு குறித்தான
பணிப்பெண்ணின் கேள்விக்கு
தலை குனிகிற
ஆணின் செயலுக்கு
வெட்கம் என்று பெயர்.
-------------------------------
குழந்தைகள்
கை காட்டாத
கூட்ஸ் ரயிலில் இருந்து
கொடியசைத்துப் போகிறான்
கடைசிப் பெட்டியில் கார்டு.
--------------------------------
சிறகுகள் உதிர்த்து
வெளிவரும் பறவை
கூண்டிற்கு விடுதலை.
--------------------------------
பொருட்படுத்தா மனிதர்களை
நாற்றத்தால் அறைந்தது
குடல் சரிந்த நாய்.
--------------------------------
பிம்பங்களற்ற தனிமையில்
ஒன்றிலொன்று முகம் பார்த்தன
சலூன் கண்ணடிகள்.
--------------------------------